Babaye mitago og shabu sa panty dihang gironda

BINULTONG shabu gi­pasok sa panty sa inahan nga drug pusher nga na­sikop sa pagronda sa kapulisan ang balay niadtong Dominggo sa alas 5 sa hapon sa Sitio Kalibunan, Barangay Lamintak Sur, Medellin, Sugbo.

Si Lida Ramirez, 39, minyo, alias “Lida”, level 3 drug pusher, gipusasan human nakuhaan og duha ka medium nga putos sa iyang panty nga balor og P80,240.

Laing duha ka dagkong pakete ingon man siyam ka gagmay nga mga putos nga gisagol sa baligyang asin ug mga drug paraphernalia.

Si Sr. Insp. Christopher Fernandez, hepe sa Medellin Police Station nga nahinabi sa Sun.Star Superbalita, nagkanayon nga ang drugas nga ilang nakuha gikan kang Ramirez.

Ang tanang drugas mobalor og P166,734 base sa Dangerous Drugs Board (DDB) value.

Si Fernandez niingon nga si Lida maoy nipuli sa iyang bana nga si Ondo, kinsa nadakpan sa kapulisan sa miaging tuig.

Matod ni Fernandez nga duha ka mga semana ang ilang pag-monitor.

Dihang ilang nakomplito, gipatuman gilayon nila ang search warrant nga giisyu ni Judge Antonio Marigomen sa Regional Trial Court (RTC-7) branch 61 sa Barangay Dakit, dakbayan sa Bogo.

Si Fernandez nagka­nayon nga ang suspek nagpadagan og sari-sari store samtang nagpalusot sa ginadiling drugas dihang niabot sila sa barangay pipila na ka buwan gikan sa San Remegio.

Gibutyag niya nga dihang gi-serve nila ang search warrant uban sa mga barangay opisyal, i­­lang nakuha ang daghang shabu nga gisagol sa ba­ligyang asin.

Ang mga kustomer mo­­palit sa baligyang asin diin didto gibutang na ang shabu nga gi-order uban sa mga drug paraphernalia.

“Nagduda man ko ni­ya. Lahi mag lihok akong gisugo ang policewomen nato nga iparekis. Didto nasuta nga gipasok diay sa panty ang Nescafe sachet nga didto ang duha ka medium nga putos sa shabu,” dugang ni Fernandez.

Sumala pa niya nga ang suspek wa mokoope­rar kanila kon asa niya gikuha ang daghang supply sa shabu nga gipamaligya.

Samtang si “Babalu” (di artista) nadakpan sab sa buy bust operation ka­gahapon sa alas 5 sa kadlawon sa Barangay Poblacion, Asturias.

Si Jude Balsa Estrella, 34, alias ‘Babalu”, nailang level 3 drug pusher, nakuhaan og 10 ka putos sa shabu nga mobalor og P8,850.

Si Sr. Insp. Narciso Abapo, hepe sa Asturias Police Station, nagkanayon nga dugay na nga drug pusher si Estrella sa ilang lungsod.

Nilayas kini sa dakbayan sa Sugbo, apan kalit nga nibalik sa Asturias ug nagpadayon sa illegal nga kalihukan.

Sila nipalit og P200 nga usa ka putos ug dihang nibaligya, ilang.

Samtang subay sa kampanya sa kapulisan sa ‘Limpiyo Probinsiya 3’, bigtime pusher gi-buy bust naka-ipsot, apan kapin sa P1 million nga shabu ang nasakmit ni­adtong Dominggo sa alas 3 sa hapon sa Upper Tumonoy, Moalboal.

Si Christian Tabanao A­­­quino, giingong level 2 drug pusher, nakaipsot sa Provincial Intelligence Branch (PIB) ug Provincial Anti-Illegal Drugs Spe­cial Operations Task Group (PAIDSOTG) sa Ce­bu Provincial Police Office (CPPO).