HUGOT og pagsalig sa team basketball, si Rain or Shine coach Yeng Guiao mipadayag nga ang Golden State Warriors mao ang iyang dapigan sa 2015 National Basketball Association (NBA) Finals.

Sa usa ka malisod nga tahas, ang Warriors makig­harong sa Cleveland Cavaliers sa best-of-seven series nga sugdan karong Biyernes (RP time).

Ang Warriors, nga pangulohan sa Splash Brothers nga sila si MVP Stephen Curry ug Klay Thompson, nagtinguha sa labing una nilang kampiyunato sulod sa 40 ka mga tuig.

Apan dili kini sayon nga tahas kay ikaharong nila ang grupo nga pangulohan ni LeBron James.

Alang kang Guiao, adunay saktong kapabilidad ang Warriors aron lumpagon ang grupo ni James.

Sa tan-aw ni Guiao, balanse ug mas lawom ang line-up sa Warriors kumpara sa Cavaliers.

“Its balance is better than Cleveland. To me, yung style nila, it’s more enjoyable to watch. It’s smaller guys like Stephen Curry and Klay Thompson who are carrying the load for Golden State. Gusto rin natin makitang mag-excel yung mga maliliit,” matod ni Guiao.

“They can win a championship.”

Gawas sa technical nga aspeto sa duwa, nipagawas sab og personal nga rason si Guiao nganong midapig siya sa Warriors.

“I’m leaning towards Golden State, kasi maraming Pilipino doon sa San Francisco,” pasabot ni Guiao. “May mga kaibigan tayo, may mga kamag-anak rin. I’m leaning sentimentally towards Golden State.”