PINAKAUBOS man tuod og record ang Phoenix Suns sa nagpadayon nga NBA season sa West Conference, apan nakapanghudlat kini og dako sa defending champion Cleveland Cavaliers.
Diriyot gyud mapakauwawi ang Cavaliers hangtod nga si LeBron James na ang milihok aron luwason ang makapakaging unta nga kaparutan.
Si James mitali og 28 puntos, 12 niini sa fourth quarter sa dihang nakaipsot ang Cavaliers sa kainit sa Suns,120-116, kagahapon sa pagpanulong sa defending champion didto sa Phoenix.
“I am just confident in my ability,” matod ni James human sa wala damhang makutas nilang kadaugan. “I work on my craft. I work on my shooting every day so it is always an option I could go to. I just try to mix it up, playing interior, playing transition, playing on the exterior and I was able to knock a couple of them down.”
Midugang og 27 puntos si Kyrie Irving ug 25 usab ang natampo ni Kevin Love alang sa Cavaliers kinsa nakaposte na unta og 22 puntos sa first half ug 20 sa sayong bahin sa third quarter.
“We play well, you play hard and get the lead and playing the right way then we just messed around,” saysay usab ni Cleveland coach Tyronn Lue.
Sa hinayhinayng kabat, wa lang damha nga nakatabla ang Suns sa uwahing bahin sa third quarter apan wa gyud kini makalabaw.
“We made enough plays down the stretch to win,” dugang ni James. “We played good ball except for the third quarter. We allowed them to get out in transition and them being young and athletic they took advantage of it.”
Si Eric Bledsoe nangulo sa Suns nga may 31 puntos ug Devin Booker nga may 28.
Mipabuto og tulo ka tres si James aron ibalik sa Cleveland ang ilang labaw, 115-109, 2:46 seconds ang nahabilin ang iang lay-up sa katapusang 44 segundos maoy naghatag og kasiguroan.
“That’s what makes him one of the greatest,” matod ni Booker. “We knew down the stretch he wants the ball in his hands and he wants to make the play and he did that. He hit two tough shots, 3s in transition.”
Samtang didto sa Toronto, mipahagsa og 40 puntos si James Harden gawas sa iyang 11 ka assists ug 10 ka rebounds aron lupigon ang host Toronto Raptors, 129-122.
Kini maoy ika 10 nga triple-double performance ni Hardem sa nagpadayon nga season.
Midugang si Montrezl Harrell og 28 ug 19 ang natali ni Eric Gordon aron tabangan ang Houston ngadto sa ilang way putol nga kadaugan sa ilang pagpanulong sa Raptors.
Si DeMar DeRozan miyagyag og 36 puntos alang sa Raptors.
Gipatapsingan sa Detroit Pistons ang Portland Trail Blazers pinaagi sa overtime nga duwa, 125-124.
Ang tres ni Kentavious Caldwell-Pope sa katapusang 9.4 segundos maoy nag-aswat sa Detroit ngadto sa makapakurat nga kadaugan sa duwa nga sa sayo pa gi postponed tungod sa winter storm.
Si Reggie Jackson maoy migiya sa Detroit nga may 31 puntos, Andre Drummond mitali og 28 ug 14 ka rebounds, ug mitapos si Caldwell-Pope sa duwa nga may 26.
Ang Golden State Warriors bugnaw man tuod nga nakasugod sa duwa apan sa dihang nagpungasi na ang mga tres yano ra kini nga mipukan sa Sacramento Kings, 117-106.
Milabyog og lima ka triples si Stephen Curry nga maoy midayandayan sa iyang 30 puntos samtang mikadlit usab og 28 si Kevin Durant kinsa may pito ka rebounds, unom ka assists ug upat ka blocks.
Nakatampo og 18 puntos si Klay Thompson.
Ang Los Angeles Lakers mipakgang usab sa Orlando Magic, 111-96.
Kini maoy unang higayon sa 30 nila ka duwa nga ang Lakers nakahulma og duha ka sunodsunod nga kadaugan.
Gipawong sa Memphis Grizzlies ang Utah Jazz, 88-79, samtang gipabugnaw sa Los Angeles Clippers ang Miami Heat, 98-86.
Gikuniskunis usab sa Sixers ang Nets, 105-95 ug gibuntog sa Wizards ang Bucks, 107-101.