DUL-AN sa tunga sa milyon ka pesos ang gipangayong dugang budget sa contingent sa dakbayan sa Talisay sa ila nang pagsalmot sa Sinulog Grand Parade.
Samtang Mayor Gullas mihatag og dugang tunga sa milyon ka pesos agig pahalipay sa ilang pagkadaug sa bag-o lang nahuman nga Sinulog sa kabataan sa lalawigan.
Nasayran ang dakbayan sa Talisay maoy miharos sa tanang pasidungong ug migawas nga kampyon Sinulog sa Lalawigan.
Si Talisay City School Division Supt. Leah Noveras miingon nga kapin sa P800,000 ang ilang gipangayong dugang budget alang na sa Sinulog Grand Parade.
Kini naglangkob na sa ilang pagka-on ug transportation hangtod na sa adlawng Dominggo.
Matod ni Noveras nga miuyon na ang mayor niini.
Gani tungod sa kalipay sa mayor nga sila ang kampyon si Gullas misaad nga iyang dugangan og laing tunga sa milyon ka pesos ilang ilang premyo nga nadawat.
Gumikan niini ang Konseho mopalabang og duha ka resulosyon ugmang adlawa una ang resulosyon alang sa pagtugot og dugang budget nga kapin sa P800,000.
Samtang ang laing usa ka resulosyon mao ang dugang P500,000 agig pahalipay sa mayor sa ilang kadaugan.
Matod ni Noveras nga ilang pagsabotan kon unsay ilang buhaton sa usa ka milyon na unya nilang kuwarta aron malipay ang tanan.
Nanghinaot si Noveras nga modaug usab sila sa Sinulog Grand Parade karong Dominggo.
Nasayran ang contingent sa Talisay gilangkuban sa kapin usa ka libo ka mga tawo apil na ang mga magtutudlo tigdala sa mga props ug uban pa.
Samtang ang Talisay migahin og P5.6 pesos sa ila karong pagbalik og salmot sa Sinulog.