NASOLO na pag-una ang Barako Bull Energy sa elimination round human sa ilang 112-103 nga kadaogan batok sa Rain or Shine Elasto Painters sa 2015 PBA Governor's Cup niadtong Domingo sa gabii.

Nitali na ang Barakos sa lima ka daug ug usa ka pilde aron mobugsay pataas gikan sa binugkusay uban sa Alaska Aces alang sa lumba sa una nga pwesto.

Ang Aces nag-inusara sa ikaduha nga pwesto nga adunay upat ka daug ug usa ka pilde.

Nibira si RR Garcia og 26 puntos aron mangulo sa kadaogan sa Bulls samtang nidugang si Joseph Yeo og 19 puntos.

Ang import nga si Wendell McKines nangulo sa Elasto Painters nga adunay 41 puntos, samtang nipatak si Paul Lee og 21 puntos.

Nagsunod ang San Miguel Beermen sa ikatulo nga pwesto nga adunay lima ka daug ug duha ka pilde human nila naparot ang Ginebra Gin Kings, 100-85.

Napalambo og maayo sa Beermen ang ilang plastada gikan sa 0-2 sa sinugdanan nga pagkampanya.

Nibira si Arizona Reid og 27 puntos alang sa Beerman samtang si Chris Ross nihatag og 19 puntos.

Nikuha sab si Beerman center June Mar Fajardo og 10 puntos ug 20 ka rebounds.