GETAFE, Bohol - Wa nay kinabuhi nga nakaplagan sa amo ang iyang helper nga ulitawo nga nagbitay gawas sa gipanag-iyang tindahan sa didto sa Barangay Tugas, lungsod sa Getafe niadtong Biyernes sa buntag.
Giila ang biktima nga si Kenneth Mejias, 26, ug residente sa nahisgutang lugar. Sa pasiunang pakisusi sa kapulisan, nasayran nga niadtong pasado alas 8:00 sa Huwebes sa gabii niabot ang biktima sa tindahan sa iyang amo nga giila nga si Dionesie Jimenez, 52, diin namatikdan nga ang biktima ubos sa impluwensya sa ilimnong makahubog.
Dugang pa sa amo sa biktima nga nananghid pa niya kini nga molakaw ug mihangyo nga di sa ipapawong ang suga dayon nga milakaw na kini.
Pagkasunod nga adlaw pasado alas 4:00 sa kadlawon sa adlawng Biyernes, dakong kurat sa amo dihang giablihan niya ang iyang tindahan tungod sa usa ka nagbitay nga lawas sa iyang helper gawas sa iyang tindahan gamit ang usa ka pisi nga nakahikot sa liog sa biktima samtang ang laing tumoy sa pisi nakahikot sa atop sa tindahan.