IPAAPIL sa paglukat og building permit sa dakbayan sa Lapu-Lapu ang pagsusi sa lugar nga tukoran sa estraktura aron masuta kon di kini makaapekto sa subayanan sa tubig sa uwan.

Matod ni City Disaster Risk Reduction Management Council (CDRRMC) officer Andy Berame nga usa sa nakita nga long term solution sa pagbaha sa pipila ka mga dapit sa Lapu-Lapu mao ang pag-regulate niadtong motukod og mga estruktura nga maka-apekto sa natural nga agi-anan sa tubig sa uwan.

Matod pa ni Berame sa dihang nahinabi sa Superbalita Cebu nga iyang isugyot ngadto kang Mayor Paz Radaza ang maong paagi sa tuyo nga kahatagan og sulbad ang pagbaha sa barangay Basak, Buaya, Ibo, Maribago, Agus, Poblacion ug uban pang mga dapit.

Namatikdan nga ubay-ubay nang mga estraktura ingon man edipisyo ang gipangtukod sa dakbayan diin.

Adunay ubang mga proyekto nga niali na sa natural nga agianan sa tubig gumikan sa gi-abuno nga yuta gawas sa concrete structures.

“Importante nga i-apil na sa site deve­lop­ment plan ug sa zoning sa kadtong motu­kod og balay o building,” dugang ni Berame.

Nasayran nga ang nahisgutang bara­ngay nipasuyop sa tubig baha gamit ang suction pump gumikan sa sunod-sunod nga pag uwan sukad sa miaging adlaw.

Samtang adunay mga barangay nga wa pa makapanag-iya sa maong kahi­manan hinungdan nga gamitan og pumping machine nga gikan sa Siyudad.