MIABANTE sa ikaduhang pwes­to ang Onak Pawnshop ug ang Angel Mary Pawnshop human sila mokulit og managlahing kadaogan niadtong Domingo sa nagpadayon nga F. Llamas Youth Association (FYA) Christmas League basketball tournament sa Don Vicente Sotto Gym sa barangay Punta Princesa, dakbayan sa Sugbo.

Nakasagunson dayon og duha ka daog ang Onak Pawnshop human ilang gipatapsingan ang Car Door & Aircon, 87-86 samtang sa laing duwa, midaog ang Angel Mary Pawnshop batok sa Yoyi’s Pastries and Desserts, 97-88.

Si Dodee de Gracia maoy na­ngu sa Onak Pawnshop (2-1) pinaagi sa iyang 30 puntos samtang midugang si Wendell Abella og. Ang Car Door & Aircon kinsa adunay 1-2 nga baraha, gipangulohan ni Jim Rara kinsa miposa og game-high 33 puntos ug midugang of 26 puntos si Ranel Patalita.

Sa laing duwa, mihakot og 27 puntos ang team owner sa Angel Mary Pawnshop nga si McLain Alkuino ug miamot si Val Ramirez og 19 puntos gawas pa gyud sa 15 puntos gikan ni Albert Encarguez.

Puntos matag usa:

(Unang duwa)

Onak Pawnshop (87) - De Gracia 30, Abella 17, Barro 12, Tabares 12, Endrina 4, Planas 4, Parba 4, Tabana 4. Car Door and Aircon (86) - Rara 33, Patalita 26, Daguhoy 10, E. Noquiilo 5, Manalili 4, J. Noquillo 1.

(Ikaduhang duwa)

Angel Mary Pawnshop (97) - Alkuino 27, Ramirez 19, Encarguez-15, Pinar 13, Villaver 10, Samson 6, Endrina 3, Cabreros 2, Legaspi 2. Yoyi’s Pastries and Desserts (88) - Navaja 27, Albarracin 17, Laput 16, Sy 13, Regudo 10, Diaz 5. (PR)