Mga duwa karon: (Mall of Asia)

4:15 pm. - NLEX vs. GlobalPort

7:00 pm. - San Miguel vs. Rain or Shine

PANAGSANGKA tali sa mga lider ang masaksihan karong gabii sa dihang magtakos ang no. 1 team San Miguel Beer ug ang no. 2 nga Rain or Shine Elasto Painters sa main game nga ipahigayon sa Mall of Asia.

Ang Beermen mao karon ang nag-una sa overall standing nga may 7-1 nga baraha samtang ang Elasto Painters ni coach CaloyGarcia mao usab ang hugot nga nagsunod nga may 5-2 nga baraha.

Apan sa dili pa sugdan ang panagtakos sa duha sa alas siete ang takna sa gabii, kulbahinam nga panag-engkuwentro ang gipaabot sa panagtigi usab sa NLEX Road Warriors ug sa GlobalPort.

Ang NLEX nga nangiwit sa standing nakarehistro sa ilang ikaduhang kadaugan human nila mabuntog ang inilog nga Talk N Text sa uwahi nilang duwa. Gitu­ohan nga hinayhinay nang nakakuha sa timplada ni coach Yeng Guiao ang Road Warriors.