MOKABAT sa P125 mil ang matag tuig nga suporta sa goberyno sa Japan alang sa Philippine Eagle Foundation ug sa gi-adopt nilang duha ka tuig nga babaye nga agila gikan sa nahisgutang foundation sa Davao City.

Niadtong Biyernes sa buntag, Enero 13 didto sa Waterfont Insular Hotel, mismong si Japan Minister Shinzo Abe ug ang iyang asawa nga si Akie Abe uban ni Pangulong Rodrigo Duterte pormal nga mipangalan sa duha ka tuig nga babayeng agila.

Sa gihimong Eagle Naming Ceremony, gipangalanan og Sakura kon Cherry Blossom (bulak sa Japan) ang babaye nga agila nga naluwas sa bukirong bahin sa Talaingod, Davao del Norte.

Si Philippine Eagle Foundation Executive President Dennis Salvador nagbutyag nga naluwas ang agila human giingong napusilan sa wa pa mailhing tawo sa kabukiran sa Talaingod.

Sa pag-alima sa foundation, maayo ug luwas na ang maong agila ug ang pagpangalan niini gitumong sa pagbisita sa premiro ministro sa Japan gumikan gusto sab nilang mahimong kabahin sa abunda nga kinaiyahan sa dakbayan.