ANG PAGBUGAL-BUGAL nga di kabalo manumbag maoy hinungdan nga nanigbas ang usa ka 46-anyos nga mag-uuma alas 8:20 sa buntag niadtong Huwebes, Enero 12.
Ang insidente nahitabo didto sa Sitio Bulawan, Barangay Magsaysay, Marilog District, dakbayan sa Davao.
Ang biktima nailhang si Ramel Ali Umanan, 28, mag-uuma, samtang ang suspek nailhang si Morada Danyug, pulos nagpuyo sa dapit.
Si Senior Police Officer 1 Gleen Adlawan, imbestigador sa homicide section sa Marilog Police Station, nagbutyag sa spot report nga nasuko ang suspek human gibugal-bugalan sa grupo sa biktima kay di kabalo manumbag.
Tungod sa kasuko, mikuha og sundang ang suspek dayon gitigbas ang biktima tumong sa ulo ug gitambalan karon sa Southern Philippines Medical Center.
Ang suspek, human sa hitabo, daling miikyas mao nga gipangita sa kapolisan.