GIKUMPIRMA ni Virgil Lago kinsa weather monitoring chief gikan sa City Disaster Risk Reduction Management Council nga padayon ilang monitoring ning panahona sa kahimtang sa panahon ning dakbayan sa Cagayan de Oro.
Gidugang sab niini nga gipangandaman nila taliwala nga dili kini direkta moigo sa dakbayan labina ang nasinating low pressure area ug giingong magpabaybay lamang kini.
Gibutyag niini nga padayon ang ilang monitoring sa kahimtang sa panahon taliwala gamay lamang kini human gimando ni Cagayan de Oro City Mayor Oscar Moreno nga dili ibalewala nga bisan unsa nga masinati sa panahon dakong bagyo man kini o dili.
Gikoordinar na usab nila ang nagkadaiyang barangay nga doul sa kabaybayonan, kasubaan ug ingon man niadtong mga barangay nga adunay gakasinati nga pagdahili sa yuta. (SVB)