ANG New York Knicks mipamulta ni Derrick Rose og $200,000 tungod sa iyang misteryusong wala pagtunga atol sa ilang duwa niadtong Lunes.
Si Rose nakapabalisa sa team niadtong higayona human kalit lang nga wa mopakita sa duwa sa Knicks sa dihang gipildi kini sa New Orleans Pelicans, 110-96.
Ang New York Post sa ilang taho sa niaging adlaw nagkanayon nga si Rose gipamulta og $193,848.
Siya adunay $21.3 million nga kontrata sa Knicks.
“The team fined him a pretty hefty amount — the amount of the fine for missing a game,” matod ni Knicks coach Jeff Hornacek.
Matod pa nga si nasuko ang management sa Knicks sa dihang wa kini mopahibawo sa mga team officials kalabot sa kalit nga wa pagtunga.
Wa usab niya panumbalinga ang mga tawag sa pipila ka mga team officials aron unta masayran kon asa na siya. Sa sunod adlaw iyang gipasabot nga miuli siya sa Chicago alang sa dinaliang pag-atender sa problema sa iyang pamilya.
Sa iyang pagbalik nianang pagka Martes nangayo siya og pasaylo sa iyang mga kauban, coaches, ngadto sa presidente sa team nga si Phil Jackson ug sa general manager nga si Steve Mills.
“When I was in the room, I felt like they understood where I was coming from,” matod ni Rose kalabot sa iyang pagpakighinabi sa Knicks management.
Human sa ilang kadaugan batok sa Chicago, 104-89, niadtong Huwebes, si Rose mipadayag nga wala siya magbasol sa iyang gibuhat tungod kay iyang gipalabi ang iyang pamilya. “Family over everything,” niya pa.
Apan bisan pa sa nahitabo, nanghinaot si Rose nga makapirma gihapon siya og balik sa Knicks sa higayon nga motapos na ang iyang kontrata sa hinapos nga season.
“I hope one incident didn’t change their minds. Who knows? This is a business and if it was to happen I’m still going to play the way I normally know how to play no matter where I’m at.”
Si Rose mitali og 25 puntos batok sa Philadelphia diin sila napildi pinaagi sa buzzer-beater, ug ingon man aduna kini 17 puntos batok sa Bulls. “Right when I came back, I felt nothing but love,” padayag ni Rose. “I apologized to them and like I said, it eases everything when they understand.”