MAWAB, Comval Province - Gibalhog sa selda sa kapolisan ang usa ka lalaki human gireklamong nanghasi sa iyang asawa.
Nakadawat og tawag ang Mawab Municipal Police Station alas 9:55 sa buntag adlaw’ng Biyernes gikan sa usa ka alyas Linda, 44, minyo, nagpuyo sa Purok 2, Barangay Bawani, Mawab, kalabot sa pagpanghasi sa iyang bana.
Paspas nga miresponde ang kapulisan ug giaresto ang suspek nga si Leopoldo Dalde, 48.
Human sa dokumentasyon, isulod na unta sa detention cell ang suspek apan narekisahan ni Police Officer 1 Jhunard Delenoand ang bulsa niini nga dunay usa ka sachet sa gituohang shabu.
Ang dinakpan gibalhog sa selda sa Mawab Municipal Police Station samtang gihikay na ang pagpasaka og tukmang kaso batok kaniya. (Rockyben S. Catisay)