DEAR Tita Heart,
Maayong adlaw kanimo ug sa mga tigbasahan sa SuperBalita.
Kining akong problema tita nagsugod dihang nag-ipon mi sa akong ugangan. Pirme mi bikil sa akong ugangan ug akong bana galibog kinsa iyang labanan.
Kasabot man ko sa iyaga kay iyang pamilya pero nay panahon tita nga bisan sayop na gayud ilang side modapig gihapon akong bana sa ilaha. Unsa man kaha akong buhaton tita kay gigubotan nako nga dili mi gakasinabtanay sa akong mga in laws. Salamat.
rChela
*****
Hello Chela,
Maayong adlaw sab diha kanimo.
Ako lang gayud matambag kanimo nga i-encourage gyod imong bana nga maglain mo og puyo nga dili mo mangiponan kay lisod kayo mangipon gamay lang nimong sayop mabantayan ka. Huna-hunaa kon lahi inyong gipuy-an ikaw maoy boss ug walay manghilabot nimo. Apan kon dili pa gayud ninyo kaya ang maglain, ayaw nalang siguro tumpangi imong mga in laws para walay gubot.
rTita Heart