ANG AirAsia Philippines, usa ka Filipino low cost carrier kauban sa AirAsia, gibotahan nga World’s Best Low Cost Carrier sulod sa sunodsunod nga unom ka tiug, nitayag sa bag-ong serbisyo nga maghatag og kasayon ug kahapsay sa boarding o pagsakay sa abyon.

Mao kini ang “E-Boarding Pass” sa AirAsia nga paperless boarding pass nga naghatag sa ilang guests nga walay check-in-baggage sa pagdiretso sa boarding gate nga dili na molinya sa check-in counter o desk sa airport.

Ang pasahero dunay check-in-baggage gimandoan sa paghapit una sa drop counter sa dili pa modiretso sa boarding gate.

Sa pagsinati niini, ang pasahero mo-download sa AirAsia Mobile App sa ilang smartphones ug mogamit sa application sa check-in ug makadawat sa ilang e-boarding pass sar mobile phones.

Sa boarding, ang guests o pasahero mopresentar lang sa ilang mobile phones sa pagpakita sa ilang e-boarding pass imbes sa naandan nga paper tickets.

Si Joy Cañeba, Chief Executive Officer sa AirAsia Philippines nagkanayon, “With E-Boarding Pass, time spent queueing is significantly reduced with guests avoiding the hassles of crowded counters especially during peak season.”

Ang AirAsia Group nipaila sa paggamit sa Self Check-In (SCI) niadtong 2009 diin ang guests mahimo sa pag-check in pinaagi sa web, ug ilang gipalapdan nga naglakip sa Self Check-in kiosks sa airports. (PR)