OPISYAL nang mibiya si Chris Lutz sa San Miguel Beermen aron makig-uban sa Meralco Bolts alang sa pagpadayon sa Philippine Basketball Association (PBA) Phlippine Cup.

Nagkanayon si Bolts team manager Paolo Trillo nga miuyon si Lutz nga mobalhin sa ilang kampo human kini nila gipunit gikan sa unrestricted free agent market.

“Yes, Chris agreed to join us,” opisyal nga pamahayag Meralco nga napatik sa Spin.ph.

Ang kompirmasyon sa Meralco nahitabo human gibutang sa San Miguel ang ilang 2011 PBA 3rd pick overall sa unrestricted free agent.

Ang Beermen nakadesisyon nga ibutang ang kanhi sakop sa Gilas Pilipinas sa unrestircted free agent human nila nakuha si Michael Mabulac.

Ang 31 anyos nga si Lutz usa sa mga sinaligang guard sa Beermen sa nag-una niyang upat ka mga tuig sa San Miguel franchise.

Apan ubos sa paggiya ni coach Leo Austria, si Lutz wala na naga­mit sa backcourt rotation sa Beer­men gumikan sa mga angol nga nasinati niini.

Gilauman nga ang kondisyon nga si Lutz makatabang sa kampanya sa Bolts.

Sa laing bahin, misugod na sa pagsubang ang potensiyal nga karera sa rookie nga si Roi Sumang kinsa sa sayong bahin ning season wa makapakita sa iyang saktong kalibre.

Napili sa GlobalPort sa ika-27 nga pick sa 2015 nga Drafting, si Sumang nakaduwa lang og ka 27 higayon diin nag-average kini og 8.4 minutos matag duwa nga may 3.4 points ug 0.7 assist ubos sa Batang Pier ug sa uwahing bahin sa Blackwater Elite.

Apan ang kanhi University of the East star hinayhinay nang nakabalik sa ilang abilidad.

Niadtong Dominggo, si Su­mang mipabuto og 19 puntos diin 17 niini sa second half human pakaginga sa batan-ong Elite ang beteranong Alaska Aces, 103-100, alang sa ilang ikalimang daog sulod sa walo ka duwa.

Ang 26-anyos nga Sumang mi­pakita sa iyiang kadangog, kaabtik ug kahanas nga miataki sa depensa sa Aces aron kuliton ang ilang double digit nga labaw.

Bisan tuod og miaksiyon sa paggukod ang Alaska apan ang iyang duha ka krusyal nga free throws ug sa beteranong si Denok Miranda maoy nagselyo sa ilang kadaugan.

Ang lumad nga taga Tondo, Manila ang maayo usab nga nakadepensa diin mitali kini og tulo ka steams gawas sa duha ka assists.

Tungod niini si Sumang maoyo napiling Accel-PBA Press Corps Player of the Week sa Enero 9-15, diin iyang gilupig sila si ahindra guard Philip Paniamogan, San Miguel Beer slot man June Mar Fajardo, GlobalPort high-scoring guard Terrence Romeo, Barangay Ginebra forward Joe Devance, Star wingman Allen Maliksi ug big man Ian Sangalang.