SI JOY Jo milabay og 15 puntos, Lee Sario nga 13 ug Gypsy May Cañutu mihimo og 11 alang sa Assumption College of Davao (ACD) girls team nga madepensahan ang titulo batok Ateneo de Davao University Blue Knights, 47-43, sa championship match sa Faith International Academy (FIA) Girls High School basketball tournament sa FIA basketball court, Marfori Heights Subdivision, ning dakbayan.
Si Patricia Villarin miiskor og walo ka puntos ubos ni Coach Daniel Colango.
Samtang, si Jeslaine Seo sa Lady Blue Knights mibuslo og 10 puntos lakip ang back-to-back three pointers nga nakapahulga sa defending champions.
Sila Ateneans Pearl Ogang ug Lourda Soriano mihatag og tag-siyam ka puntos.
Una na milamang ang ACD, 44-38, sa usa ka minutos nabilhin apan naputol kini ni Seo og tres, 44-41. Apan natubag ni Jo aron maseguro ang labaw, 46-41.
Miiskor sab si Ogang alang sa Ateneo aron modutdot, 43-46, sa 6 segundos nga nabilin.
Nakuha ni Sario ang inbound apan na-fouled dayon sa 1.3 segundos nga tungod niini, milabay og duha ka free throws alang sa kadaugan.
Si Colango, sa interbyu sa SunStar Davao, miingon nga ang iyang mga magduduwa mas ekperensyado nga dakong papel sa kadaugan.
“Alam na din kasi namin mostly ang laro ng mga kalaban, kasi always na naglalaro sa iba't ibang leagues,” dugang niya.
“Seven lang yung players ko pero di gaano akong nahihirapan kasi alam nila paano gampanan ang ibang positions,” ni Colango.
Ang ACD gidulaan nila Christy Tiu, Carmella Bagaslao ug Jazmine Macasa.
Ang laing tims miapil mao ang host FIA ug Daniel R. Aguinaldo National High School.