SIERRA BULLONES, Bohol - Gitigbas sa makadaghang higayon ang usa ka lalake samtang natug sa barangay hall niadtong Mayo 28 sa gabii.

Giila ang biktima nga si Gilberto Visto, mag-uuma, hamtong na ang pangidraon ug residente sa Purok 1, Barangay Casilay , Sierra Bullones, Bohol samtang ang suspek mao si Tony Auditor, 40, minyo, usa ka mag-uuma ug nagpuyo sa Purok 6, Barangay Casilay, Sierra Bullones, Bohol.

Gikataho nga gigmait sa suspek ang usa ka hait nga sundang nga adunay sukod nga tulo ka dangaw.

Human sa krimen, miikyas gilayon si Auditor.

Ang biktima daling gidala sa Cong. Simeon Torribio Memorial Hospital nga nahimutang sa lungsod sa Carmen.

Apan, nadakpan sa kapulisan kauban sa barangay kapitan ang suspek sa mismong balay niini.

Mitahan usab ang suspek sa iyang kaugalingon sa kapulisan sa way pagsukol.

Motibo sa krimen ang mahitungod sa panagbingkil sa yuta.