NEGROS ORIENTAL – GIPANGULOHAN ni Bishop Julito Cortes sa Diocese of Dumaguete ang pagtunol sa 21,250 ka mga pirma alang sa anti-pork barrel People’s Initiative campaign ngadto sa buhatan sa Commission on Elections (Comelec) sa lalawigan nga nahimutang sa dakbayan sa Dumaguete.

Ang mga folder nga anaa ang mga nagkadaiyang pirma gikan sa duha ka distrito sa Negros Orien­tal ug lalawigan sa Siquijor ubos sa Diocese of Dumaguete gidawat ni Provincial Comelec supervisor Eddie Aba.

Ang opisyal sa Diocese namahayag nga ang people’s initiative nagtinguha nga makakolekta og tres porsiyento sa mga narehistro nga botante matag distrito sa lalawigan o moabot sa says milyones ka mga pirma sa tibuok nasod alang sa pag-awhag nga wagtangon ang “discretionary lump sum funds” sa tinuig nga budget sa kagamhanan.

Matod sa pangulo sa Social Action Center nga si Fr. Burton Villarmente nga ang mga pirma nga nakolekta sa pipila ka buwan gikan sa nagkadaiyang parokya og diocese gikan pa niadtong gilusad ang kampanya nga wagtangon ang pork barrel system.

Nagtinguha si Villarmente nga ang kampanya mabatyagan aron ang Department of Budget and Management (DBM) mo-release sa pundo direkta nagdto sa mga nagkadaiyang nasudnong ahensiya ug di na ngadto sa mga kongresista ug senador.

“This is an act that abolishes the presidential and congressional pork barrel mandates line item budgeting prohibits and criminalizes appropriation and use of lump sum discretionary funds, penalizes violators with six years and one day to ten years imprisonment and disqualification from holding public office,” say­say ni Villarmente.

Ang District 2 nakakolekta og 8,060 ka mga pirma sa gikinahanglan nga tres porsiyente sa 8,025 gikan sa 267,484 ka mga narehistro nga botante.

Alang sa District 3 sa lalawigan adunay na­kuha nga 10,613 signatures mosobra sa tres porsiyente nga sa 6,335 nag gikihangan gikan sa 211,155 ka mga botante.

PIA7-Negros Oriental

Ang Siquijor nakaabot sa 2,577 ka mga pirma nga gikinahanglan sa 61,002 ka mga narehistro nga botante.

Si Aba namahayag nga ang iyang buhatan nanginahanglan nga mosusi ug motan-aw sa gikinahanglan nga pirma una nila iendurso kini ngadto sa Comelec en banc. (PIA7-Negros Oriental)