BISAN naangol ang tuong abaga ni Manny Pacquiao atol sa away, nakahatag gihapon kini og saktong away batok kang Floyd Mayweather Jr., asoy ni 2015 International Boxing Hall of Fame inductee Ray Mancini.

Gumikan niini, dili angayang basulon si Pacquiao kon nganong nahimong makalaay ang Fight of the Century nga gipahigayon niadtong Mayo 2 sa MGM Grand Garden sa Las Vegas, USA.

Alang kang Mancini, kanhi world light champion, nga ang angayang basulon mao si Mayweather gumikan kay magsige lang kini og dagan-dagan.

“I thought he (Pacquiao) fulfilled his obligation, he fought through the pain, he could have quit on the stool but he didn’t. He had more of a chance to quit than most guys, but he didn’t,” matod ni Mancini sa interbyu sa ontheropesboxing.com.

“The problem was, he couldn’t catch him. I thought he hit Mayweather with some good shots at times and he tried to flurry on the ropes but then Floyd moved away and he couldn’t catch him.”

Ang pagbutyag ni Pac­quiao human sa away nga aduna siya’y angol miresulta og pipila ka mga kaso nga gipasaka batok kaniya ug sa uban pang nangahilambigit sa away.

Alang kang Mancini nga kon niundang pa si Pacquiao human kini naangol sa 4th round, mas makapungot kini sa boxing fans apan wala kini gibuhat ni Pacquiao.

“Pacquiao had an obligation to be the best he could be at that moment and that’s the best he was. If he would have pulled out of the fight, that’s a bigger disservice to the people,” pasabot ni Mancini.

“Every athlete wants to give themselves the best chance to win but every fighter goes in there with problems. People don’t understand, every fighter goes in there with something, you’re never one hundred percent.”

Matod ni Mancini nga nakasuway na sab siya nga dili siya 100 percent apan naghunahuna gyud siya sa iyang obligasyon sa paying public.