GISAULOG ni UFC middleweight champion Chris Weidman ang iyang kalampusan sa UFC 187 kauban si boxing pound-for-pound king Floyd Mayweather Jr. sa usa ka pool party sa Las Vegas, USA.
Usa ka adlaw human sa iyang impresibong kadaugan batok kang Vitor Belfort, gikahimamat ni Weidman si Mayweather sa Las Vegas ug nag-post dayon siya og hulagway nilang duha sa iyang social media accounts.
Sa interbyu sa The MMA Hour, nagkanayon si Weidman nga sulagma lang nga nagkaabot sila ni Mayweather sa pool party ug nagkaestorya sila.
“He gave me some advice,” asoy ni Weidman. “I just talked to him about business stuff, and he told me how much money – he just went right into money.”
Nagkanayon si Weidman nga kabahin gyud sa kuwarta ang ilang gihisgutan.