Irving dili pa 100 percent

GITUOHAN nga dili gihapon ma­himong 100 percent ang kondisyon ni Cleveland Cavaliers pointguard Kyrie Irving inig sugod sa National Basketball Association (NBA) Finals karong Biyernes (RP time) batok sa Golden State Warriors.

“Unless something miraculous happens,” matod pa ni Irving.

Dili makasalig niini ang Cavaliers.

Ang All-Star pointguard wala gi­pa­apil og pipila ka mga tipik sa praktis sa Cavaliers sa miaging mga adlaw gumikan kay padayon kining nagpaalim sa angol sa iyang wala nga tuhod nga iyang naangkon sa Game 2 sa Eastern Conference finals batok sa Atlanta Hawks.

Kagahapon, nagkanayon si Irving nga padayon siyang gitambalan ug wala pa’y tino kon hingpit na ba siyang maalim alang sa NBA Finals.

“It’s a day-by-day thing,” matod ni Irving. “I’m going to continue to get treatment and do what it takes.”

Si Cavaliers coach David Blatt wala mohatag og komentaryo kabahin sa iyang panahom kon unsa’y ikabuga ni Irving sa NBA Finals.

“We got a few more days until the first game,” matod ni Blatt. “We’re just hoping he can get out there and play and then we’ll address all those things. I wouldn’t say he’s had a setback, but progress has been slow.”

Hinuon gipasabot ni Blatt nga maayo ra og gipakita si Irving sa ilang praktis apan tataw nga wala dili kini 100 percent.

“He’s not out of the woods entirely. He’s playing through it and has been doing a great job,” matod ni Blatt.

Sa wala pa siya naangol, si Irving nag-average og 18.7 puntos sa labing una niyang pagsulod sa playoffs.

Ang kontribyusyon ni Irving giki­nahanglan kaayo sa Cavaliers hilabi na ang pagpakigparang niini sa MVP sa Warriors nga si Stephen Curry.

“Whatever we can get out of him is a plus for us,” asoy ni Cavaliers super­star LeBron James kabahin kang Irving. “He’s been getting some good work in, off to the side at times. He’s played a little bit with us, but not much.”

Gilauman nga si Matthew Della­vedova mao una ang mohulip sa posisyon ni Irving isip starting point­guard sa Cavaliers. (AP)