UNOM ka mga magduduwa sa King's Sword (KS)-Davao mipildi sa ilang tagsa-tagsa ka kaatbang, miguwang madaugon sa King's Sword Muay Thai and Wushu Sanda Fight Night nga gihimo sa NCCC Mall Davao Kadayawan Hall, Dominggo.

Mga pambato sa KS-Davao nga sila John Nicolas Adante, Jessner Jay Ang, Dariush Jadali ug Jean Rose Bistis misipa'g kadaugan kontra nagkadaiya nilang kaatbang sa Wushu Sanda.

Si Adante miguwang mananaug kontra Eli Dominique Uy sa KS-Gensan samtang si Ang mihari kontra Black Thunder Palm Martial Arts (BTPMA) Jonathan Morales.

Si Jadali, mipildi sab ni Lance Gregory Mirabueno, samtang si Bistis mipukan ni Trisha Bucayan KS-Gensan.

Midaug sab sa ilang Wushu Sanda fights sila John Rey Engayas sa Team Solana, Raymund Adocal sa KS-Gensan ug April Raizah Galang sa Observe MMA.

Si Jonathan Momo sa Observe MMA ug Ismael Corton III sa KS-Davao, natapos sa draw sa ilang Wushu Sanda faceoff.

Sa Muay Thai, si KS-Davao's Claire Sy mipildi sa mga teammates nga si Jennifer Kilapio samtang si Kyle Divinagracia sa KS-Davao milupig ni Dwight Bahani sa Team Bandera.

Ubang mananaug sa Muay Thai fights mao ang KS-Gensan fighters Alexander Sales, Jamil Gatan ug Francis Abejero.

Si King's Sword Martial Arts founder ug chief instructor nagsulti sa Sun.Star Davao nga ang kalihukan, kulminasyon sa ilang summer program samtang ang Wushu Sanda bouts ang exhibition games nga nagtumong nga makadapit og mas daghang mahiligon sa samang isports.

Dugang niya nga angayang hatagan og igong exposure ug suporta ang Wushu Sanda: "This event will become a regular competition in the national games so we should develop our local athletes here because we will never know that the Wushu Sanda champion could be from Davao City or in the region," asoy ni Astudillo.