USA ka international boxing referee/judge ang misaway kang Australian Jeff Horn nga kuwang og abilidad aron makigparang sa fighting senator sa Pilipinas nga si Manny Pacquiao.
Ang promoter ni Pacquiao nga si Top Rank boss Bob Arum padayong nakignegusasyon sa nagdumala kang Horn nga mao ang New Zealand-based Duco Events aron mahan-ay ang away.
Apan alang kang referee/judge Bruce McTavish, wala’y ikabuga si Horn batok kang Pacquiao, kinsa kanhi 8-time world boxing champion.
Si McTavish naa sa ringside sa dihang gi-knockout ni Horn si South African veteran Ali Funeka niadtong Disyembre sa Auckland.
Apan sa interbyu sa Manila Times nga napatik sa www.philboxing.com, gitataw ni McTavish nga wala ra sa kumigking ang abilidad ni Horn kumpara ni Pacquiao.
“I was one of the judges when I saw Jeff Horn won by knockout against an African opponent during an IBF (International Boxing Federation) event last December. To tell you the truth, Horn is a very nice kid, former schoolteacher, clean cut, a good boxer, but he has no real talent,” batbat ni McTavish.
“He may have won by a knockout against the other guy and did it pretty well, but I think he’s too young and raw for Manny.”
Kon madayon man gani ang ayaw, nagtuo si McTavish nga yanong i-knockout ni Pacquiao si Horn sulod lang sa tulo ngadto sa upat ka rounds.
u200b“Manny will knock him (Jeff) out three to four rounds and I guess it’s a mismatch. It’s a shame. Horn has a good future but he’s not yet ready for somebody like Pacquiao. Pacquiao is a freak of nature. He only needs six weeks to get into a tough shape and that’s very fast,” pasabot ni McTavish.
Taliwala sa mga komentaryo ni McTavish, daw seryuso si Arum nga hikayon ang away ug bag-uhay lang kining nakigsabot sa kampo ni Horn.
“I just got off the phone with them, once they select the state it’s going to be at, whether it’s Brisbane or Melbourne, then we’ll go forward with an announcement and so forth,” asoy ni Arum sa interbyu sa www.boxingscene.com.