NAKAESKEDYUL nga operahan karong adlawa (RP time) ang angol sa kumagko sa walang kamot ni Los Angeles Clippers pointguard Chris Paul ug gilaumang molanat og unom ngadto sa walo ka mga semana ang pagpaalim niini.
Naangkon ni Paul ang angol sa 1st half sa 120-98 nga kadaugan sa Clippers batok sa Oklahoma City Thunder niadtong Martes.
Sa kasamtangang season sa National Basketball Association (NBA), ang Clippers gihasol og mga pagkaangol sa ilang mga magduduwa.
Apan bisan pa niini, nakamaneho gihapon ang Clippers nga dili magbitay sa ilawom nga bahin sa standing. Kasamtangang silang naghupot og 29-14 nga rekord.
Ang usa sa mga pambato sa Clippers nga si Blake Griffin manukbalik na. Sulod sab sa 15 ka mga duwa nga wala nakapakita og aksyon si Griffin gumikan sa angol sa iyang tuhod.
Sa sayong bahin sa season, si Paul wala sab nakapakita og aksyon sulod sa pito ka mga duwa gumikan sa lain niyang angol (harmstring).
Dakodako ang tapakanan sa Clippers gumikan kay nag-average si Paul og 17.5 puntos, 9.7 assists, 5.3 rebounds ug 2.25 steals. AP/ESL