ANAA sa 500 ka mga managanay gikan sa nagkadaiyang munisipalidad ug Government Agencies sa Davao Oriental misalmot sa "#Eradicate Drugs: A Campaign Run for a Drug-Free Davao Oriental" sa nakalabay nga adlaw nga nanukad sa Mati Park and Baywalk Grounds, Mati City.
Ang kalihukan gipangunahan sa Youth for Peace Davao Oriental kaabag ang Army 701st Brigade Battalion.
Mga partisipante gikan sa lain-laing munisipalidad sa Davao Oriental uban ang representante gikan sa National, Provincial ug Local Government nagtigum aron i-promotar ang drug free Davao Oriental ug healthy lifestyle.
Nahimong malampuson ang kalikuhan uban ang suporta sa Provincial Government sa Davao Oriental ilawom sa liderato ni Governor Corazon Malanyaon, City Government of Mati sa pagpangulo ni Mayor Carlos Rabat ug ubang stakeholders.
Ang kampanya nga Drug-Free Davao Oriental nagsugod sa usa ka Zumba exercise.
Ang lumba sa dagan may kategoriya nga 7k, 5k ug 3k. Human sa fun run, mga managanay milagda sa commitment wall isip pagpakita sa ilang suporta sa drug-free Davao Oriental.
"This activity shows that Davao Oriental is united against the existence of illegal drugs and it's very inspirational in a way that the youth headed by the YFP-DO spearheaded such activity showing that Davao Oriental wants to become a Drug-Free Province," ni Niño Uy, Board Member sa Davao Oriental.
Atol sa kalihukan, mga military simba, trucks, ambulansiya ug 105 canon ang gidispli sa activity area aron sab makita kini sa mga partisipante.
Ang kalihukan gitapos sa usa ka unity dance sa pagpanguna sa mga miyembro sa YFP-DO ug kinantahay sa Tambayan Fudhaus Band.