MGA maanyag nga kandidata sa Miss Universe modalikyat as Davao City karon, Enero 19, aron moapil sa Mindanao Tapestry Fashion Show sa SMX Convention Center, alas kwatro sa hapon.
Ang 20 ka dilag langkuban nila Estefania Bernal (Argentina); Dajana Szinic (Austria); Stephani Geldof (Belgium); Violina Ancheva (Bulgaria); Zhenyin Li (China); Connie Jimenez (Ecuador); Veronica Bodizs (Hungary); Rulsitova Darina (Kazakhstan);
Kristal Silva Davila (Mexico); Htet Htet Tun (Myanmar); Zoey Ivory (Netherlands); Andrea Melgarejo (Paraguay); Maxine Medina (Philippines); Yuliana Korolkova (Russia); Kawa Kamara (Sierra Leone); Dijana Cvijetic (Switzerland); Jihan Dimack (Tanzania); Chalita Suansane (Thailand); Alena Spodynyuk (Ukraine) ug Deshauna Barber (USA).
Mga kandidata mosuroy sa nag-unang tourist spots sa dakbayan. Samtang pagka-hapon i-rampa nila ang mga gama sa local designers dinhi.
Ang pre-show magsugod sa alas kwatro sa hapon diin mga local models moeksena sa runway suot ang mga obra sa 10 ka designers sa rehiyon.
Sa main show, mga kandidata magsuot sa mga desinyo nila Rene Salud, Silver Tuzon, Emi Englis, Kenny Lagada, Alfonso “Boy” Guinoo, Aztec Barba, Benjie Panizales, Dojie Batu, Edgar Buyan, Wilson Limon, Egay Ayag.
Samtang ang mga designers sa opening show mao sila Ronnie Nacua, Toffy Ledesma, Gil Macaibay, Mark Yaranon, Bamba Limon, Nicky de Asis, Richie Uy Delos Santos, Steffy Dacalus, Joey Hambala, Grand Crizzel Ravacio, Pepe Quitco, Che Aranjuez, Mark Sayad, Ivan Raborar, Wilfred Yee, Akmad Kari Jr., ug Saidali Abdilla Jr.
Sa mga buot mosaksi sa fashion show ang tiket mapalit sa SM Lanang Premier sa Phoenix Photo booth (contact nos. 0917.893.8258). (RGV/Miss Universe Davao)