REPRESENTANTE sa Presidential Commission for the Urban Poor sa dakbayan sa Talisay nga si Ma. Llura Layun gustong pahulipan sa iyang katungdanan tungod sa rason nga wala nay salig kaniya ang konseho ug si Mayor Eduardo Gullas.

Si Layun, sa iyang bahin, mihulagway nga pamolitika ang rason ug gawas pa mipadayag sa iyang pagmahay sa konseho nga wala siya gipatubag sa mga pasangil.

Nasayran nga niadtong Nobiyembre 8 atol sa sisyon sa konseho si Konsehal Soc Fernandez mipalabang og resulos­yon nga naghangyo ngadto sa rehiyonal nga buhatan sa PCUP nga pahulipan ang ilang coordinator sa Talisay nga si Ma. Llura Layun.

Sa rason nga dugay na sa katungdanan ug dag­hang nadawat nga re­klamo batok ni Layun.

“Whereas the city of Talisay the executive and Legislative Department have already lost its trust and confidence to Mrs. Lliura Layun,” tipik sa ilang resulosyon.

Si Layun niingon wala siyay nakitang rason nga­nong siya palagputon tungod kay wala siyay nahimong sayop hinuon iyang gitumbok nga adunay bulok sa politika ang pagpahulip kaniya.

Hinuon, iyang gitataw nga andam siyang mobiya sa iyang puwesto kon aduna nay mando sa iyang mga labaw, apan mipadayag kini sa iyang pagmahay nga wala siya hatagig higayon sa pagtubag sa mga pasangil.

Si Konsehal Dory E­­­mit, chairman sa committee on urban poor sa konseho, niangkon nga wala gayod nila mapatawag si Layun.