INGON sila ang sunod nga “cold war” adto mahitabo sa space. Abtik na kaayo ang China karon sa ilang space program ug mo kompetinsiya na sa Amerika ug Russia. Daghan na pud nga mga nasud ang nagplano nga moapil. Kini sama sa India, Japan, Canada, Italy,Iran, Israel, mga European countries bisag Taiwan kay dili paalkanse sa China.

Pero kahibawo ba mo nga kadaghanan sa mga astronauts ug cosmonauts mga chessplayers?

Ang pinakauna nga niadto sa space niadtong 1961 nga siYuri Gagarin ungo sa chess.

Si Neil Armstrong ug Buzz Aldrin nga primerong tawo nga niabot sa buwan moduwa sab og chess. Ang ilang kauban si Michael Collins (1930- ), nga niorbit sa buwan sa command module Gemini 10 mas intersado sa chess kaysa mga eroplano sa bata pa. Ingon siya nga si Aldrin puwede ma champion sa chess ug “thinks several moves ahead.”

Si Leon Wagener misuwat sa iyang libro nga si Neil Armstrong (1930- 2012) sigeg duwa sa iyang anak nga si Mark pagbalik niya gikan sa buwan.

Si Astronaut Michael P. Anderson (1959-2003) milista sa chess nga iyang hobby. Namatay siya sa Space Shuttle Columbia disaster. Kaduha siya nakaadto sa space.

Cosmonaut Sergei Avdeyev (1956- ) ka tulo moadto sa space ug mipuyo didto og 747 ka adlaw. Chessplayer sab. Si Astronaut Daniel Barry moduwa og chess.

Astronaut Guion “Guy” Bluford (1942- ), nga primeromg African-American astronaut kaupat og shuttle mission (STS-8, 39, 53, and 61A). Captain siya sa high school chess team.

Sa June 2008, mission specialist astronaut Dr. Gregory Chamitoff nagdala og Velcro chessboard (dili puede magnetic chess set). Niduwa siya sa pagka Augusto ug nidaug kaduha kontra Houston Mission Control. Naay rook nga wala mopilit sa velchro board ug nilupad. Nakit-an sa filter pag-abot sa yuta.

Sa September 29, 2008-October 9, 2008, ang NASA ug U.S. Chess Federation (USCF) miduwa sa Earth vs. Space . Midaug ang Earth nga girepresentar sa Stevenson Elementary School sa Bellevue, Washington, ug gibotohan sa publiko ang ilang move.

Astronaut Catherine ”Cady” Coleman (1960- ) duha ka Shuttle missions (STS-73 and 93). Chess player sad.

Sa May 16 -June 1, 2011, naa say Earth vs. Space Match (Mission Specialist Greg Chamitoff ug Pilot Greg Johnson) sa STS 134 Ang duwa niabot og 16 ka adlaw ug ang publiko nibotar sa facebook ug twitter.

Daghan pa kaayo mga astronauts ug cosmonauts nga moduwa . Mosuwat tingali kog usab. (boypestano@gmail,com/www.chessmoso.blogspot.com)