SA pagtabang aron mahimong luwas ang publikong dapit, ang Visayan Electric Co., Inc. (Veco) niayo sa electrical wiring system sa Consolacion Public Market.
Ang Veco nitunol sa bag-ong wiring system ngadto kang Consolacion Mayor Teresa Alegado niadtong Disyembre 16.
Si Veco Reputation Enhancement Department Manager Eric Ching niingon nga ang power distribution company’s rewiring project gitumong sa paghatag og safe standard electrical wirings sa pagpanlipod sa mga komunidad batok sa sunog tungod sa faulty wiring.
Gawas sa pagpalambo sa electrical lines sa public market, ang Veco nibutang usab og energy-saving light bulbs nga dili maghatag og kusog ngsa kahayag apan minus og konsumo sa kuryente.
Ang bag-ong gibutang nga light bulbs dunay automatic timer switch, diin mo-turn on sa alas 6:00 sa hapon ug mo-turn off sa alas 5:00 sa buntag.
“Dako namong kalipay nga naa nay dugang kahayag sa among pang negosyo diri sa mercado. Nakasalbar gyud ang VECO namo sa kangitngit kay naa na pirmi siga nga suga kada gabie hangtod kaadlawon,” matod ni Flora Torres, usa ka tindera og isda.
Ang upgrading sa electrical system nagkantidad og P485,000, diin nakabenepisyo sa 230 ka stalls sulod sa Consolacion Public Market.
Si Mayor Alegado nipadayuag sa iyang pagpasalamat sa padayong pagtabang sa Veco sa panginahanglan sa komunidad.
Matod niya nga ang rewiring project wala lang makatabang sa mga manindahay, apan nipalambo sa maayong pagpangmerkado sa mga tawo tungod sa kahayag sa dapit.
Sukad niadtong 2010, ang Veco nipalamabo sa electrical wiring systems sa mga publikong tunghaan, police station ug public markets sa franchise area.
Sayo ning tuiga, ang Veco nipalambo usab sa Carbon Public Market sa Cebu City. (PR)