SECTIONS
philippines
Sunday, September 19, 2021

‘Best of Mindanao’ sa Tapestry Fashion Show

MGA obra ug tela gikan sa isla, giingong “Best of Mindanao” sa natad sa fashion ang gipresenta atol sa Mindanao Tapestry Show sa SMX Convention Center, SM Lanang Premier, Davao City, niadtong Huwebes, Enero 19.

Mga maanindot nga creations girampa sa 29 ka mga kandidata sa Miss Universe 2016, nga gilangkuban sa Argentina (Estefania Bernal), Austria (Dajana Szinic), Belgium (Stephanie Geldof), Bulgaria (Violina Ancheva), China (Zhenyin Li), Czech Republic (Andrea Bezdekova), Ecuador (Connie Jimenez), Guyana (Soyini Fraser), Honduras (Sirey Moran), Hungary (Veronika Bódizs), India (Roshmitha Harimurthy), Indonesia (Kezia Warouw), Kazakhstan (Rulsitova Darina), Mexico (Kristal Silva Davila), Myanmar (Htet Htet Tun), Namibia (Lizelle Esterhuizen), Nigeria (Unoaku Anyadike), Paraguay (Andrea Melgarejo), Philippines (Maxine Medina), Singapore (Cheryl Chou), Russia (Yuliana Korolkova), Sierra Leone (Hawa Kamara), Slovak Republic (Zuzana Kollarova), Switzerland (Dijana Cvijetic), Tanzania (Jihan Dimack), Turkey (Tansu Cakir), Ukraine (Alena Spodynyuk), USA (Deshauna Barber) ug Venezuela (Mariam Habach).

Late man nga nagsugod ang programa apan giingong worth it ang pagpaabot tungod sa makahingangha nga pagpresenta sa mga creations sa Mindanaon designers uban sab ang obra ni Renee Salud.

Mga gowns nga suot sa mga kandidata nagpakita sa mabulukong kultura ug tradisyon sa isla.

“It was all worth it. I'm so happy with the result ng show. I consider it as a dream come true ng bawat designer na ma-i-showcase ang culture natin thru fashion,” suma ni Salud sa pakighinabi kaniya human sa show.

Atol sa show gipakita ang “6 looks” nga nagrepresenta sa unom ka rehiyon sa Mindanao.

Kini ang T'Boli weaves, Indigenous Cross-Stitches, Yakan Weaves, Tribal Weaves of Bukidnon, Royal Garb of Mandaya Tribe ug Inuol Ball Gowns.

Tuod man matag desinyo sa mga gowns nga suot sa kandidata di ikapadaplin sa kaanindot, world class kini!

Sa gawas sa venue may booth sab ang matag rehiyon aron i-showcase ang ilang mga obra.

Mga designers atol sa main show mao sila Renee Salud, Silverio Anglacer, Emi Englis, Kenny Ladaga, Alfonso “Boy” Guino-o, Aztec Barba, Benjie Panizales, Dojie Batu, Edgar Buyan, Wilson Limon ug Egay Tayag.

Sa pikas bahin, una pa man gisugdan ang main show, gihimo ang pre-show uban ang mga local models.

Mga designers mao sila Ronnie Nacua, Toffy Ledesma, John Bonnie Adaza, Bamba Limon, Nicky de Asis, Richie Uy delos Santos, Steffy Dacalus, Joye Hambala, Windel Mira, Grand Crizzel Ravacio, Pepe Quitco, Cha Aranquez, Mark Sayad, Ivan Raborar, Wilfred Yee, Akmad Kari Jr., ug Saidali Abdilla Jr.

Sa pikas bahin, giila sab si Miss Venezuela nga Miss Phoenix, si Miss Philippines ang Hiyas ng Phoenix (Gem of Phoenix) ug Miss Indonesia ang Miss Phoenix Smile.

Sa kinatibuk-an, ang show wala lamang nagpakita sa maanindot nga gowns, apan kini nagduso sab sa women empowerment, diin usa sa giaswat ang kahimtang sa mga inahan o kababaihan nga padayong nag-habi ug nagdala sa maong tradisyon hangtud karon.
style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="1977900730">


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph