SIYEMPRE kung social media ang hisgotan si Miss Universe 2015 Pia Alonzo Wurtzbach ang adunay pinaka iladong Miss Universe winner.
Kini tungod sa insidente nga pag-anunsyo ni Steve Harvey atol sa iyang pagdaog hinungdan most search usab ang pambato sa Pilipinas.
Kahinumduman mokabat lamang sa 200,000 kapin ang followers ni Pia sa Instagram account niini sa wala pa kini midaog apan karon ang 27-year-old Pinay beauty queen ang aduna nay 3.3 million followers sa personal Instagram account, 457,000 followers sa twitter ug Facebook fan page nga adunay 671,000 likes.
Sa mga kandidata karon sa Miss Universe 2016 ania ang top 5 sa pinakadaghan og followers:
1. Miss Venezuela Mariam Habach - Ang 20 anyos nga Dentistry student adunay 690,000 followers sa Instagram (@mariamhabach) ug 15,300 followers sa Twitter (@MariamHabach).
2. Miss Colombia Andrea Tovar - 397,000 followers sa Instagram (@andreatov) ug 8,300 followers sa Twitter (@andreatove).
3. Miss Brazil Raissa Santana - adunay 293,000 followers sa Instagram (@santana_raissa) ug 1,700 followers sa Twitter (@Santana_Raissa1).
4. Miss France Iris Mittenaere - Ang 23 anyos Dental Surgery student adunay 239,000 sa Instagram (@irismittenaeremf), ug most followed candidate sa Twitter nga dunay 44,900 followers (@IrisMittenaereO).
5. Miss Philippines Maxine Medina - adunay 233,000 followers sa Instagram (@maxine_medina) ug 8,700 followers sa Twitter (@maxinemedina). (SVB)