NIBAHAD si Mandaue City Mayor Luigi Quisumbing nga taas ang multa niadtong mga magpasagad og labay sa basura nga nakalapas sa ordinansa sa dakbayan.
Ning bag-o lang, gimugna sa mayor ang pagpalihok sa mga eco-enforcer nga maoy gitahasan nga maoy tigpaniid niadtong mga magpasagad og labay sa ilang mga basura.
“I have tasked eco-enforcers to form roving patrols and to issue citations to businesses and individuals that are violating littering laws,” ni Quisumbing.
Ang mga eco-enforcers gitugtan sa pagsikop niadtong mga nakalapas sa Solid Waste Management nga ordinansa sa dakbayan ug Republic Act 9003 kun Solid Waste Act of 2000.
Sukad kagahapon, di mominos sa 18 ka tawo na ang nadakpan sa mga eco-enforcers nga nakalapas sa ordinansa.
Ubos sa ordinansa, ang mga nakalapas niini isyuhan og citation tickets ug makamulta og P500 hangtod P1,500 kon masakpang nagpasagad og labay sa basura sa kadalanan.
“I take pride in this City and one way I know to show it is to keep it clean,” sumala sa mayor.