DAGHAN ang nakurat nga guwapo diay kaayo ang anak ni Cherie Gil. Ang 19-anyos nga si Raphael Rogoff nagbakasyon karon sa Pilipinas.

Niadtong Miyerkules gipaambit ni Raphael ang ilang litrato sa iyang inahan nga nangaon sa restaurant sa Tagaytay City, nga dunay caption: "An incredible meal with my beautiful Momma! Another perfect day in the books."

Si Raphael, kinsa nag-base sa New York, nag-post usab og litrato kauban ang iyang mga ig-agaw nga naglakip sa "The Greatest Love" star Andi Eigenmann.

Si Raphael, anak ni Cherie Gil kang Roni Rogoff. Si Raphael duna pay laing tulo ka mga igsuon nga silang Bianca ug Renee, ug Jay Eigenmann.