P120-mil shabu gibaligya sa mall, nasakmit sa pulis

MOKABAT sa P120 mil ang kantidad sa gituohang shabu ang nasakmit sa kapulisan sa Sta. Ana Police Station atol sa drug bust alas 7 sa gabii Sabado, Enero 21, didto sa 3rd Floor parking area sa usa ka mall sa Bajada, dakbayan sa Davao.

Si Chief Inspector Hamlet Lerios, hepe sa Sta. Ana Police Station, nag-ila sa suspek nga si Arthur Ybanez Dugma, 40, residente sa Sto. Nino, Buhangin, ning dakbayan.

Napulo ka mga pakite sa shabu nga dunay street value nga P120 mil ang nakuha sa posisyon sa suspek.

Laing drug bust ang gilusad alas 9:10 sa gabii, Biyernes, didto sa Phase 2, Deca Homes Esperanza, Barangay Tigatto, Buhangin District.

Nasikop mao si Renmark Montealto Monterde, 26, habal-habal driver ug nagpuyo sa Purok 9, Lapanday, Barangay Tigatto, diin nakuha sa iyang posisyon ang usa ka pakite sa gituohang shabu ug marked money.

Kasong pagsupak sa Republic Act 9165 kun Comprehensive Dangerous Drugs Act of 2002 ang ipasaka batok sa duha ka suspek didto sa korte.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph