AH, pag-umangkon diay ni Dina Bon­nevie ang girlfriend karon ni Neil Coleta nga si Josh Bonnevie.

Ako silang nahimamat sa opening sa Aida’s Collections, ang bag-ong boutique ni Ms. Aida Patana nga tupad ra sa iyang Celebrity Salon nga naa mahimutang atbang gyud sa San Miguel Corporation.

“Ang father n’ya at si Dina Bonnevie second degree cousins,” butyag ni Neil Coleta.

“Six days na kami dito sa Cebu, kami lang dalawa, nag-Moalboal kami tapos nag-Sinulog… sumakay din kami sa float ng M. Talent during the Sinulog grand parade,” paambit sa aktor.

Neil, seloso?

Akong gipakita si Neil Coleta sa copy sa Superbalita Cebu niadtong December nga na-feature siya sa Super Ka ug excited niya ning gibasa kay gi-Tagalog ra man to nako pagsuwat.

“Ay, mali pala ako sa sinabi ko na Condo ang title ng indie film na ginagawa ko, Swipe pala ang tamang title at palabas na siya ngayong Feb. 1,” dugang ni Neil.

Akong gipangutana ang iyang girlfriend kon dugay na ba sila. “Two years, bale nagkakilala kami through common friend.”

“Wala kang planong mag-showbiz?” akong gipangutana si Josh. “Ayaw niya e,” dayong pahiyum ug nipasiplat kang Neil, kinsa nikatawa lang.

Aiko ug Isabel

Pagka-ugma, silang Neil ug Josh gihapon ang nihimo sa ribbon cutting sa grand opening sa Twins Beauty Wellness and Slimming Center nga gitambungan usab sa mga showbiz celebrities sa Manila sama nilang Aiko Melendez ug Isabel Granada.

Si Aiko Melendez tinuod gyud diay nga ni-slim na. Samtang si Isabel Granada bagets lang gihapon maora lag dili 40 anyos.

Pero fly-in fly-out ra ilang beauty kay pagkagabii balik man dayon sila sa Manila. Nidalikyat ra kuno sila aron suportahan ang ilang friend nga si Ms. Aida. Laysho!

Mao na kon ganahan mong magpa-beauty bisitaha dayon ang Twins Beauty Wellness and Slimming Center nga naa mahimutang sa Ibabao, Mandaue.

“My ex and whys”

Karong Feb. 13, bisperas sa Valen­tines, kalma lang mo mga fans ni Enrique Gil ug Liza Soberano pero maorag sure na ha, nga duna silay promo tour sa Cebu alang sa ilang pelikulang “My Ex and Whys” sa Star Cinema.

Pero `maora’ lang una kay basig masuhong n’ya ba. Basabasa lang mo sa Laysho aron di mo maiwit sa chika.

Usa sa cast sa “My Ex and Whys” si Niel Coleta nga nidala nga bestfriend ni Enrique Gil. Overloaded kuno sa kilig ning salidaha nga sakto gyud nga pang-Valentines.

Condom mo diha

Hapit na man ang Valentines, unsa andam na ang mga libreng condom nga ipanghatag sa mga eskwelahan?

Sa tinuod, wa gyud ko kauyon aning plano sa Department of Health nga hatagan og condom ang mga tinun-an sa high school ug college aron kuno mapugngan ang pagtaas sa mga kaso sa HIV ug sa populasyon?

Sakto baya si Senador Tito Sotto nga dili gyud na maoy solusyon. Dapat i-edukar na ninyo ang mga batan-on apil na ang mga ginikanan nga nagpabaya lang sad sa ilang mga anak.

Hatagan og condom asa ma’y logic ana? Pag-tsur diha Aiza Seguerra nagpareho lang mong Liza Dino. Sala baya to sa MMFF ngano inyo tong gipapasar ang scene nga gipatay ang iro sa “Oro.” Kamo guy ga-screen ato, unya karon manghunaw mo?