DUNGGABAY sa Dasuna, Barangay Das, Toledo sa alas 7:20 sa buntag niadtong Dominggo.
Ang biktima nga giila nga si Rolly Espinosa, 33, residente sa Catabaco, Toledo City.
Ang suspek mao si Roel Bolo, 32, residente sa Santol Village sa samang barangay.
Base sa imbestigasyon sa kapulisan sa Toledo Police Station, si Espinosa naghuwat nga magdespatser sa pasaheroang bus apan kalit lang dunggab si Bolo tungod sa iyang ka dumot.
Nadunggaban sa dughan si Espinosa ug gidala sa kapulisan sa CCC hospital apan nakabsan na kini sa kinabuhi.
Nitahan si Bolo sa Toledo Police Station.
Samtang, laing dinunggabay sa lungsod sa Liloan, alas 6:10 kagahapon sa buntag.
Ang biktima mao si Harold Tayong, 30, taga Barangay Looc, Liloan.
Ang suspek mao si Mark Cabatingan, 20, taga Sitio Hi-Ka, Barangay Poblacion, Compostela.
Matod ni SPO2 Nilson Mayuela base sa nakasaksi nga si Tayong ug Cabatingan nag-uban ug parehong hubog ug nag-away sa wala matino nga hinungdan. Diana Grace G. Pila USJ-R Communication Intern