GIINTRIGA karon nga mabdos ang Kapuso actress nga si Kylie Padilla.

Kini ang pangutana sa daghang netizens human migawas ang mga blind items nga daw naghisgot sa Kapuso actress.

Basi sa mga migawas nga blind item giingong usa ka primetime star sa usa ka TV network ang buntis sa nakabalikan niining uyab ug migawas ang pangalan ni Kylie, 23, nga niadtong Setyembre 2016 lamang mikumpirma nga nagkabalik sa Kapuso actor nga si Aljur Abrenica, 26.

Usa ka reliable source gikan sa showbiz insider kalabot sa dakong balita may kalambigitan kang Kylie. Daw adunay nakakita sa Encantadia star nga mibisita sa usa ka OB-Gyne clinic.

Mamatikdan usab kining sa latest episodes sa Encantadia nga midako ang mga costume ni Kylie isip Reyna Amihan.

Wala pay reaksyon si Aljur ug Kylie kalabot sa isyu apan mas midako ang pagduda dihang nag-post og teaser sa Facebook account ang director sa Encantadia nga si Mark Reyes nga gikatakdang mamatay ang usa sa mga sanggre ug gitouhang kini si Amihan.

Nagtrending diretso ang #HuwagsiAmihan ug gisundan sa #BuntisSiAmihan.

Ang talent manager ni Kylie nga si Betchay Vidanes nisulti niadtong adlaw’ng Dominggo, Enero 22, kalabot sa isyu ug gihimakak kini.

“We haven’t spoken yet. Siya ba yung nakita? Natural naman lahat ng babae nag-OB for annual check up,” matud ni Vidanes.

Wala pa usab pormal nga pahayag ang iyang mother network kalabot sa isyu niini. (SVB)