ANG Miss Universe 2016 Governor’s ball ang puno kayo sa glitz ug glam.

Present ang kandidata, politicians, businessman, ug mga artista nga nagsul-ob sama sa Oscars-like red carpet event didto sa SMX Convention Center sa Pasay City niadtong Enero 16.

Apan adunay napulo ka mga kandidata nga nag-stand out ug nakapalingi sa mga present sa event basi sa Pep.ph.

1. Miss Philippines Maxine Medina

Ang bet sa Pilipinas nagsul-ob og scarlet red Rhett Eala ball gown nga adunay silver appliques. Giparesan niini og pearl earrings ug forearm bracelet gikan sa Jewelmer ug ang iyang sleek hair maoy nikumpleto sa iyang look.

2. Miss Colombia Andrea Tovar

Tanan matay anaa kang Andrea dihang misulod kini sa venue sul-ob ang iyang hot pink strappy evening gown nga giparesan og sparkly choker.

3. Miss Thailand Chalita Suansane

Ang 22-anyos nga Microbiology student nagsul-ob og strapless column gown gikan sa Mesh Museum nga giubanan sa oversized white satin bow, ang iyang Thame clutch bag, ug Prive Jewelry accessories nikumpleto sa iyang kaanyag niadtong gabhiona.

4. Miss Venezuela Mariam Habach

Ang 20-anyos nga Dentistry student gwapa kayo sa ilang lilac Nidal Nouaihed couture gown nga giubanan og french lace bodice nga adunay silver baguette crystals.

5. Miss Indonesia Kezia Warouw

Ang 25-anyos nga beauty queen nakapalingi sa present sa event dihang misul-ob og gold Songket gown gikan sa Anaz Official. Iyang accessories gikan sa Emas Putih PLG ug HWT Gold, samtang iyang hand bag gikan sa Dsaks In Style.

6. Miss Brazil Raissa Santana

Ang 21-year-old Brazilian beauty labihan ka maanyag tan-awon sa iyang beaded short-sleeved pearl gray evening gown.

7. Miss US Virgin Islands Carolyn Carter

Ang 27-anyos nga fashion blogger ug painter labihan ka elegante sa iyang beaded merlot Elie Saab gown nga giingong mobalor og five million pesos.

8. Miss Australia Caris Tiivel

Maanyag usab si Caris sa iyang gisul-ob nga forest green, form-fitting gown gikan sa Jadore Evening Gowns ug giparesan sa YSL clutch bag.

9. Miss Sierra Leone Hawa Kamara

Unang higayon nga milakip ang Siera Leone sa Miss Universe pageant ug ang representante niini nagsul-ob gama sa local designer nga mao si Jian Lasala diin iyang gisul-ob ang midnight blue sequined ball gown.

10. Miss Tanzania Jihan Dimack

Naghisgot kalabot sa poise ang 20-angyos nga modelo nga nagsul-ob og silver and gold sequined gown gikan ni Secky Land of Fashion.