SA patuman sa mandato sa kagamhanan, ang Globe Telecom niingon nga andam motabang sa paghimo og Credit Information Corp. (CIC), usa ka state-run agency, uban sa credit information sa iyang kustomer sugod sa Pebrero ning tuiga.

“As mandated by law, Globe is ready to comply with the directive to provide basic credit data. We are confident that establishment of a credit information system in the country will further enhance development of the local financial sector that, in turn, will further boost economic growth,” matod ni Globe General Counsel Froilan Castelo.

Ang Republic Act 9510, naila nga Credit Information System Act, diin nahimong balaud niadtong 2008, naghatag og lugway sa paghimo sa CIC.

Ang CIC gitahasan sa pagkolekta ug paghatag sa gikinahanglan nga kasa­yoran sa pagtubang sa panginahanglan sa duhang kasayoran bahin sa manutang ug track record niini aron maaproban sa lenders o tigpautang.

Ang balaud nagmando sa mga banko, quasi-banks, sa ilang subsidiaries ug affiliates, life insurance companies, credit card companies ug ubang pa sa paghatag og credit facilities sa pagsumiter sa ilang basic credit data ug updates sa regular basis ngadto sa CIC, diin mandato sa balaud matag buan nga pag-update sa nangutang kanila.

Ang basic credit data naglakip sa negatibo ug positibo nga kasayoran sa dagan sa pagbayad sa nangutang. Ang paghimo sa comprehensive credit information database gipaabot nga mopalambo sa pinansiya sa nasod. (PR)