KONSEHO sa Talisay mohimog imbestigasyon batok sa representate sa Presidential Commission for the Urban Poor (PCUP) diha sa ilang siyudad.

Ang imbestigasyon sa konseho gihimo human nila gipalabang ang resulosyon nga hulipan si Ma. Llura Layun tungod sa giingong anomaliya.

Gumikan niini, adunay mga presidenti sa urban poor sa Talisay nga nakasaway sa lakang sa konseho pinangulohan ni Bise Mayor Alan Bucao nga human mipalabang og resulosyon pagpahulip ni Layun.

Karon pa mipalabang og resolus­yon si Konsehal Doty Emit, chairman sa committee on urban poor, nga nag-inbestigar ni Layun labot sa giingong kuwarta sa pederasyon nga nagamit personal.

Matod ni Layun nga andam siyang mobiya sa puwesto apan dili lang unta siya butang-butangan og sala aron lang maguba ang iyang pagka-tawo.

Giangkon ni Layun nga tinuod nakahuwam siyag kuwarta sa pederasyon sa urban poor apan niadto pa kining 2007 napulo na ka tuig ang nakalabay.

Apan miklaro nga dugay na kini niyang nabayran ug nahitabo kini sa dihang ang iyang anak nasakit og dengue nga gani namatay kini.