(Pasiuna: Kini ang atong apas-sumpay sa suliran nga gipadangat kanato ni Cindy of Sta. Cruz mahitungod sa iyang mga pangutana mahitungod sa Alzheimer's disease.)
DEAR Cindy of Sta. Cruz,
Ug karon sa atong pagpadayon, ania na usab ang lain pa nga mga paghisgot sa pagpakgang niining Alzheimer's disease.
Ang pagpaugnat sa kusog nalambigit usab sa mas kubos nga risgo sa Alzheimer's disease. Mao nga lihok-lihok gayud diha. Ayaw ug pag-urong kay mourong sad nang imong utok.
Ang mga tawo nga nagakaon og diyeta nga maayo o estilo sa Hapon o sa Mediteranyan adunay mas kubos nga risgo sa Alzheimer's disease. Ang diyeta nga Mediteranyan makapaayo sa mga tawo nga anaa sa maong sakit.
Ang mga nagakaon og diyeta nga hataas sa taba nga dautan ug simple nga carbohydrates adunay mas hataas nga risgo sa maong sakit. Ang mekanismo sa aksiyon sa diyeta nga Mediteranyan mao ang giproposar nga mao ang nihatag sa benepisyo sa epekto niini sa kasingkasing ug mga kaugatan.
Ang mga konklusyon sa benepisyo sa mga sangkap sa diyeta usahay lisud tinuon usahay tungod kay ang resulta nagkalain-lain taliwala sa mga pagtuon nga gibase sa populasyon ug mga kontrolado nga pinasalagma nga mga pagtuon. Aduna usab limitado nga ebidensiya nga ang pag-inom og bino nga ginagmay lamang ug kasarangan, partikularmente ang puwa nga bino nalambigit sa mas kubos nga risgo sa Alzheimer's disease.
Aduna usab nga tentatibo nga ebidensiya nga ang caffeine moprotektar. Daghan usab sa mga pagkaon nga hataas sa flavonoids susama sa cocoa, puwa nga bino ug tsa mamahimong makapausbaw sa risgo sa Alzheimer's disease.
Ang mga pag repaso sa mga pagtuon sa paggamit sa bitamina ug mga mineral wala nasuta nga adunay makanunayon nga ebidensiya nga ensakto nga makapasugyot niining maong mga bitamina ug mineral alang sa maong sakit.
Kini nilakip sa bitamina A, C, E, selenium, zinc ug folic acid, anaa may bitamina B12 o wala. Dugang pa ang bitamina E nalambigit usab sa mga risgo sa lawas.
Apan tungod kay taas-taas pa man gayud ang atong pagahisgutan mahitungod
niining imong sitwasiyon, tugoti na usab ako nga ato kini nga padayunon og pagtuki sa sunod nga edisyon niining atong patik. Hangtud na usab sa sunod!
Dr. Fritz
(Si Dr. Fritz Legarde Espedilla usa ka aesthetic dermatologist/surgeon ug clinical sexologist. Aduna usab siyay kahibalo ug training sa hypnotherapy ug sa Medical Acupuncture. Usa usab siya ka personalidad sa radyo nga sobra na sa dekada nga nagadagan sa kahanginan ug autor sa iyang libro nga “Healthy is Sexy Secrets ni Dr. Fritz.” Nagatudlo usab siya sa usa ka kolehiyo sa Pharmacy. Alang sa inyong mga sulat-suliran, mamahimo kini ninyong ipadala sa Dear Dr. Fritz, c/o SunStar-Davao Publishing Inc., Ebro-Pelayo Building, Jacinto St., Davao City, (former Department of Foreign Affairs office), across Ateneo de Davao University and beside Holy Child School of Davao, o i-e-mail kini sa dokfritz@yahoo.com. Ang dili magpamantala dili matubag!)