SI Professor Stephen Hawking, bisag paralysed, mao tingali pinaka intelihente nga scientist karon.

Nag-warning siya nga ang pagbuwat karon ug AI makaresulta sa “the end of the human race.”

Ingon si Hawking nga ang nabuhat na karon nga “primitive forms” nga AI dako kaayo og tabang pero ang consequences ani kay ma-equal ang abilidad sa tawo ug mosubra pa gyud nato.

Unya maka-redesign ang AI sa iyang kaugalingon ug moumento pag-ayo kadaghan ug mahimong super-intelligent nga naay kaugalingon nga will. Ang tawo hinay moumento kay limitado sa biological evolution.

Pero nisulti pud siya nga daghang advantages ang AI. Makatabang ang AI sa pag-eradicate sa kapobrehon ug makaayo sa tanang sakit. Maayo sab ang atong panginabuhi.

Ang pagbuhat og AI usa sa resulta sa pag-program sa computer chess. Ang mga chess computer karon mas maayo moduwa kay sa tawo. Ang ilang rating naa sa 3300 kumpara sa world champion karon nga 2850 ug sige pa’g umento kada tuig. Gigamit ni karon sa pag-research ug training sa mga chess player.

Dali ra ni makuha ang mga chess engine like Stockfish,Crafty ug Fruit kay puwede ra i-download sa internet nga walay bayad.

Daghan ang pangutana unsay comparison sa AI ug chess ug asa hangtud ang AI maka-compete sa intelihente sa tawo. Sa pagsugod ang computer chess gitawag og Drosophila sa AI.

Ang chess engine maka-recognize sa pa­tterns ug chess positions. Kon daghan ang patterns nga makit-an, mas kalidad ang engine. Naa sad ni sila opening databases ug makaila sila unsay lihok sa mga lig-on nga players sa una hasta sa middle game hangtod endgame.

Ma-evaluate sa engine ang position basi sa material balance. Ang pawn 1 point ,bishop ug knight 3 points, rook 5 points ug queen 9 points. Kung mo-evaluate sila sa position nga + 1.0 pasabot ni nga naa’y advantage ang puti ug kon 2.0 na gani sigurado na nga modaog. Kon mas ubos pa sa 1.0 dako’g poruhan nga matabla. Kon -1.0 gani ang evaluation mas labaw ang itom.

Kada lihok naay duha ka parti - lihok sa puti ug lihok sa itom. Kada usa ani gitawag og half –move. Kining half-move gigamit sa engine “alpha-beta search and pruning” nga gigamit sad sa mga AI.

Ang chess engines karon advance na ug makabantay sa variations sa sayo pa. Usahay kining “pruning” makasabot nga dili angay i-sacrifice ang piyesa bisan tanaw nimo nga puwede na. Kadaghanan mangita sila og mas maayong lihok ug mo-encode unsa’y sunod buhaton.

Mogamit sad ang engine og heuristics (rules of thumb). (boypestano@gmail,com / www.chessmoso.blogspot.com)