BASI sa taho sa ESPN, ang Cleveland Cavaliers mibasura sa tanyag sa New York Knicks, nga nagtinguhang makakuha kang Kevin Love isip baylo kang Carmelo Anthony.

Si Anthony aduna pa’y nahabiling duha ka mga tuig ug $52 million sa iyang kontrata sa Knicks nga adunay no-trade clause.

Apan ang Knicks giingong nangita og paagi aron madani si Anthony nga buhian ang no-trade clause.

Ang pagpakig-uban kang LeBron James sa Cavaliers gituohang makadani kang Anthony apan dili interesado ang Cavaliers sa tanyag sa Knicks.

Si James mibutyag nang daan nga usa ka pointguard ang ilang gikinahanglan aron makatabang sa ilang back­court rotation.

Karong Pebrero 23 ang trade deadline. AFP/ESL