PANGLAO Bohol – Nasikop sa usa ka buy-bust operation nga gipahigayon sa National Bureau of Investigation (NBI) ang usa ka project manager sa eksklusibong beach resort sa lungsod sa Panglao niadtong miaging adlaw didto sa Barangay Mariveles, lungsod sa Dauis.
Giila ang suspek nga si Kennedy Fernando, 58, usa ka project manager sa Eskaya Beach Resort ug residente sa nahisgutang barangay.
Gamit ang usa ka babaye nga maoy gihimong undercover agent, napalitan sa ahente si Fernando og giingong shabu ng nagkantidad og P500 samtang namaligya kini sa giingong shabu sakay sa iyang sakyanan.
Lain pang duha ka putos ang nakuha sa NBI sa posisyon sa suspek diin dali usab nga gipanghimakak ni Fernando.
Dugang pa nga giingong dugay nang nalakip sa drug watchlist sa ahensiya ang suspek.
Anaa karon napaslak sa prisohan ang suspek ug giandam na ang tukmang sumbong batok niini ngadto sa piskalya.
Gipangulohan ang operasyon sa NBI Executive Officer nga si Atty. Arcelito Albao sa NBI-Bohol.