GIDUSO na ni Mayor Tomas Osmeña ang tulo ka mga ngalan ngadto sa Department of Interior and Local Government (DILG) nga maoy temporaryong mohulip kang Kapitan Felicisimo “Imok” Rupinta.

Sila si Rupinta ug ang iyang pito ka mga konsehal nga gipangsuspenso sa Office of the Ombudsman Visayas.

Ang gipangduso mao sila si kanhi Cebu City councilor Augustus Pe Jr., Kapitan Jesselou Cadungog sa Barangay Tejero ug SPO1 Adonis Dumpit.

Sa tulo, si Dumpit maoy labing paborito niya aron mangahadlok ang mga durugista sa Brgy. Ermita.

Si Department of Interior and Local Government (DILG) 7 legal officer Aiza Fiel Nogra niingon nga ang mga ngan ila nang giduso ngadto kang DILG Secretary Mike Sueno.

Sila gipangsuspenso sa Ombudsman tungod sa reklamo sa Philippine Drug Enforcement Agency (PDEA) nga wa sila abagi sa anti-drug operation.