ANG mga fans sa pageant ang nagpanon sa SM Mall of Asia Arena niadtong Huwebes, Enero 26, aron motan-aw sa 65th Miss Universe preliminary round.
Ang preliminary competition parte sa pageant aron madeterminar ang mga semi-finalists basi sa scores sa kandidata sa ilang swimsuit, evening gown, ug national costume competitions.
Nagkalain-laing supporters gikan sa laing nasod ang misuporta sa kandidata.
Sa mokabat 86 ka mga beauty queens nga magtigi sa korona sa Miss Universe, kinsa kanila ang adunay pinakakusog nga cheers sa katawhan kon crowd favorites?
Gawas sa Miss Philippines nga si Maxine Medina, gihugyawan usab si Miss Thailand Chalita Suansane, kinsa kusog na nga contenders pagsugod pa lamang ug lakip niini si Miss Panama Keity Drennen.
Lakip sa paborito mao si Miss Venezuela Mariam Habach, Miss Colombia Andrea Tovar, ug Miss Brazil Raissa Santana makabubuhong usab ang palakpakan samtang mirampa sa stage.
Si Miss Australia Caris Tiivel nahimo usab nga hisgotanan human adunay loveteam partner sa Baguio City.
Si Miss Sierra Leone Hawa Kamara ug Miss Haiti Raquel Pelissier ang aduna usab mga fans sa Mall of Asia.
Makabubuyong sab nga pakpak dihang migawas ang six-footer nga mao si Miss Indonesia Kezia Warouw. Lakip sa listahan sila si Miss Malaysia Kiran Jassal ug Miss New Zealand Tania Dawson kinsa usa ka half-Filpina.
Ang pangutana kon kining paborito sa crowd mapasok ba kaha sa top 12 sa kompetisyon? (SVB)