MIREKLAMO ang duha ka mga sex workers human gihilam sa usa ka dispatser niadtong Biyernes sa kaadlawon, Enero 27, mga alas 2:45 sa Cruz-Taal Street, dakbayan sa Cagayan de Oro.

Nagpatala sila si Joyce ug Greta human gihilam ang mga pribadong parte sa ilang lawas.

Nidangop sa kapolisan ang mga biktima ug gireklamo ang nailang si June (bansagon gitago), 41, taga Barangay Carmen.

Gikabutyag nga nasuko ang mga sex worker sa dihang kalit lamang nga miduol ang suspek dayong panghilam.

Sa inisyal nga imbestigasiyon, gikabutyag nga sa saysay sa suspek, giingong samtang nagtambay lang siya sa dapit gitawag siya sa mga babaye hinungdan nga miduol ug nanghilam apan gikasuko kini sa mga sex worker ilabi na kay wala kini gitunol nga bayad.

Giingong nagkadugo pa ang ilong sa lalaki human nga gisumbag sa duha ka mga babaye hinungdan na usab nga gitambagan na lamang kini sila sa kapolisan nga ila na lang kini nga sabuton.

Sa pagkakaron, nakatala na sa nahisgutang buhatan ang insidente ug giingong nagkasinabot ra ang managpanig.