MOKABAT sa pito ka gramo sa shabu ang nakumpiska gikan sa duha ka mga dinakpan human napalitan og ginadili nga droga sa Raagas Beach, Zone 6, Barangay Bonbon, dakbayan sa Cagayan de Oro.

Ang mga dinakpan nailang sila si Kirk Peñaroya, 40, minyo, taga Punta Macabalan ug Archie Abao, 35, taga Zone-1, Barra, Opol, Misamis Oriental.

Sa nahipos nga impormasiyon gikan sa Police Station 4 sa Carmen, nasayran napalitan og pakete sa shabu ang mga suspetsado baylo sa drug bust money nga P500.

Narekober usab gikan sa ilang posisyon ang laing unom ka mga pakete sa gitoohang shabu nga gibana-banang nagkantidad og P24,500 nga adunay gimbug-aton nga pito ka gramo.

Sa pagkakaron, ang mga dinakpan ang nagtingkagol na sa Maharlika Detention Cell ning dakbayan.